အတိုချုပ်
- BitsShop က ဆိုင်တွေနဲ့ ဝယ်သူတွေကို ချိတ်ပေးတဲ့ marketplace ပါ။ ပစ္စည်းကို ရောင်းတာ၊ ပို့တာ၊ ငွေလက်ခံတာ ဆိုင်က လုပ်ပါတယ်။
- ဝယ်သူက ဆိုင်ရဲ့ ကိုယ်ပိုင် အကောင့်ဆီ တိုက်ရိုက် ငွေလွှဲ (သို့) COD နဲ့ ချေပါတယ်။ BitsShop က ဝယ်သူရဲ့ ငွေကို လက်မခံ၊ မကိုင်ပါ။
- ဆိုင်ဖွင့်ခြင်း — အတည်ပြုတဲ့နေ့ကစပြီး ၆ လ အခမဲ့၊ ပြီးရင် လစဉ် 30,000 Ks။ ရောင်းအား ကော်မရှင် မရှိပါ။
- ပြဿနာရှိရင် ဆိုင်ကို အရင် ဆက်သွယ်ပါ၊ မဖြေရှင်းရင် ဆိုင်ကို တိုင်ကြားပြီး Support ကို ဆက်သွယ်ပါ။
၁BitsShop ဆိုတာ
BitsShop သည် online marketplace (bitstech.store website နှင့် Android App) ဖြစ်သည်။ ဆိုင်များက ပစ္စည်းတင်ရောင်းပြီး ဝယ်သူများက ဆိုင်များထံမှ တိုက်ရိုက် ဝယ်ယူကြသည်။ BitsTech Store သည် BitsShop ၏ ကိုယ်ပိုင်ဆိုင် ဖြစ်ပြီး အခြားဆိုင်များနည်းတူ ဤစည်းကမ်းများကို လိုက်နာသည်။
BitsShop ကို အသုံးပြုခြင်းဖြင့် ဤစည်းကမ်းများ၊ ပြန်လဲ / ပြန်အမ်း မူဝါဒ နှင့် ကိုယ်ရေးအချက်အလက် မူဝါဒ ကို သဘောတူသည်ဟု မှတ်ယူပါမည်။
၂အကောင့်
- မှန်ကန်သော နာမည်၊ ဖုန်း၊ email ကို အသုံးပြုပါ။ အကောင့်အောက်တွင် ဖြစ်ပေါ်သမျှအတွက် အကောင့်ပိုင်ရှင်တွင် တာဝန်ရှိသည်။
- စက်အသစ် (သို့) browser အသစ်မှ ဝင်ပါက သင့် email သို့ ဂဏန်း ၆ လုံး login code ပို့ပါမည်။ ဤ code ကို မည်သူ့ကိုမျှ မပေးပါနှင့် — BitsShop team က code ကို ဘယ်တော့မှ မတောင်းပါ။
- ဆိုင်ရှင်က ဖွင့်ပေးသော ဝန်ထမ်း အကောင့်များ၏ လုပ်ဆောင်ချက်အတွက် ဆိုင်ရှင်တွင် တာဝန်ရှိသည်။
- စည်းကမ်း ချိုးဖောက်သော အကောင့်ကို ယာယီ ပိတ်ခြင်း (သို့) ဖျက်ခြင်း ပြုလုပ်နိုင်သည်။
၃ဝယ်ယူခြင်းနှင့် ငွေပေးချေခြင်း
- ဆိုင်တစ်ဆိုင်ချင်းစီအတွက် order သီးခြား ဖြစ်သည် (ဆိုင် ၂ ဆိုင်မှ ဝယ်လျှင် order ၂ ခု)။
- ဝယ်သူသည် order စာမျက်နှာတွင် ပြထားသော ဆိုင်၏ ကိုယ်ပိုင် ငွေလက်ခံ အကောင့် (KBZPay၊ WavePay၊ ဘဏ် စသည်) သို့ တိုက်ရိုက် ငွေလွှဲခြင်း (သို့) ဆိုင်က ခွင့်ပြုသည့် နေရာများတွင် ပစ္စည်းရောက်မှ ငွေချေခြင်း (COD) ပြုလုပ်သည်။
- BitsShop သည် ဝယ်သူ၏ ငွေကို လက်ခံခြင်း၊ ကိုင်ထားခြင်း၊ လွှဲပေးခြင်း မပြုပါ။ BitsShop ဆီ ငွေလွှဲရန် မလိုပါ။
- ငွေမလွှဲမီ order စာမျက်နှာရှိ အကောင့်အမည်နှင့် ဆိုင်အမည် ကိုက်ညီမှု စစ်ပါ။ Chat ထဲမှ (သို့) အခြားနေရာမှ ပေးသော အကောင့်အသစ်သို့ မလွှဲပါနှင့်။
- ဆိုင်က ငွေဝင်ကြောင်း စစ်ပြီး “ငွေရပြီ” မှတ်ကာ ပစ္စည်း ပို့ပေးရသည်။ ဈေးနှုန်းနှင့် လက်ကျန်ကို ဆိုင်က သတ်မှတ်သည်။
၄ဆိုင်ရှင်၏ တာဝန်များ
- ပစ္စည်းအမည်၊ ဓာတ်ပုံ၊ ဖော်ပြချက်၊ ဈေးနှုန်း၊ လက်ကျန်ကို မှန်ကန်စွာ တင်ရမည်။
- ငွေလက်ခံ အကောင့်သည် ဆိုင် (သို့) ဆိုင်ရှင်၏ ကိုယ်ပိုင် အကောင့် ဖြစ်ရမည်။
- ငွေရပြီးသော order ကို သတ်မှတ်ချိန်အတွင်း ပို့ရမည်။ ပို့မပေးနိုင်ပါက ဝယ်သူကို ချက်ချင်း အကြောင်းကြားပြီး ငွေကို ပြန်ပေးရမည်။
- ပြန်လဲ / ပြန်အမ်း မူဝါဒ ပါ အနည်းဆုံး စံနှုန်းကို လိုက်နာရမည်။
- တားမြစ်ပစ္စည်းများ — မူးယစ်ဆေး၊ လက်နက်၊ တုပ / အတု ပစ္စည်း၊ ခိုးရာပါ ပစ္စည်း၊ crack / ခိုးကူး software နှင့် license key၊ မြန်မာနိုင်ငံ ဥပဒေအရ တားမြစ်ထားသည့် ပစ္စည်းမှန်သမျှ တင်ရောင်းခွင့် မရှိပါ။
- Review အတု ရေးခြင်း / ရေးခိုင်းခြင်း မပြုရ။
၅ဆိုင် လစဉ်ကြေး
- ဆိုင်ကို admin အတည်ပြုသည့်နေ့မှစ၍ ပထမ ၆ လ အခမဲ့ ဖြစ်ပြီး ထို့နောက် လစဉ် 30,000 Ks (လက်ရှိ နှုန်း) ဖြစ်သည်။ လ အများ (သို့) ၁ နှစ်စာ ကြိုပေးနိုင်သည်။
- ရောင်းအား ကော်မရှင် မကောက်ပါ။
- လစဉ်ကြေးကို admin ထံ Messenger (သို့) Support Chat မှ ဆက်သွယ်၍ ပေးချေရသည်။ BitsShop ၏ ငွေလက်ခံ အကောင့်ကို website ပေါ်တွင် မပြပါ — အခြားသူ ပေးသော အကောင့်သို့ မလွှဲပါနှင့်။
- သက်တမ်း ကုန်ခါနီးတွင် အသိပေးချက် ပို့ပါမည်။ နှုန်းထား ပြောင်းလဲမည်ဆိုပါက ကြိုတင် အသိပေးပါမည်။
အသေးစိတ် — ဝန်ဆောင်မှု — ဆိုင်ဖွင့်မယ်
၆ပို့ဆောင်ခြင်း
ပို့ခကို ဆိုင်တစ်ဆိုင်ချင်း — ဆိုင်တည်နေရာ၊ သင့်လိပ်စာနှင့် ပစ္စည်း အလေးချိန်အလိုက် checkout တွင် တွက်ပြသည်။ ပို့ဆောင်ချိန်သည် ဆိုင်နှင့် ဒေသပေါ် မူတည်သည်။ ပို့ဆောင်မှုကို ဆိုင်က တာဝန်ယူသည်။
၇ပြန်လဲ / ပြန်အမ်း
ဆိုင်တိုင်းသည် ကိုယ်ပိုင် မူဝါဒဖြင့် ဆောင်ရွက်သော်လည်း ချို့ယွင်း / ပစ္စည်းမှား / ဖော်ပြချက်နှင့် မတူ ပစ္စည်းအတွက် လက်ခံပြီး ၇ ရက်အတွင်း ဆိုင်ကို ဆက်သွယ်နိုင်ရမည်။ ငွေကို ဆိုင်က လက်ခံထားသောကြောင့် ငွေပြန်အမ်းခြင်းကို ဆိုင်က ပြုလုပ်သည်။ အသေးစိတ် — ပြန်လဲ / ပြန်အမ်း မူဝါဒ
၈တိုင်ကြားခြင်းနှင့် အငြင်းပွားမှု
- ဆိုင် (သို့) ပစ္စည်းကို order / ဆိုင် စာမျက်နှာမှ “တိုင်ကြားမယ်” ဖြင့် တိုင်ကြားနိုင်ပြီး Support Chat တွင် အထောက်အထား (ငွေလွှဲ screenshot၊ ဓာတ်ပုံ) ပို့နိုင်သည်။
- BitsShop team က နှစ်ဖက်စလုံး၏ အထောက်အထားကို စစ်ပြီး သတိပေးခြင်း၊ ပစ္စည်း ဖျောက်ခြင်း၊ ဆိုင်ကို ယာယီ ပိတ်ခြင်း / ပိတ်သိမ်းခြင်း ပြုလုပ်နိုင်သည်။
- BitsShop သည် ကိုယ်တိုင် မကိုင်ခဲ့သော ငွေကို ပြန်အမ်း၍ မရပါ။ လိမ်လည်မှု ဖြစ်ပါက ငွေလွှဲ မှတ်တမ်းများ သိမ်းထားပါ — ဥပဒေအရ တောင်းဆိုလာပါက BitsShop ရှိ မှတ်တမ်းများကို ပူးပေါင်း ပေးပါမည်။
၉မလုပ်ရသည့် အရာများ (အသုံးပြုသူ အားလုံး)
- ငွေလွှဲ screenshot အတု၊ အမည်အတု၊ order အတု ဖြင့် လိမ်လည်ခြင်း။
- Chat တွင် ခြိမ်းခြောက်ခြင်း၊ စော်ကားခြင်း၊ spam ပို့ခြင်း။
- Website / App ကို တိုက်ခိုက်ခြင်း၊ ခွင့်မပြုဘဲ data များ စုဆောင်းခြင်း၊ အခြားသူ၏ အကောင့်ကို အသုံးပြုခြင်း။
၁၀တာဝန် ကန့်သတ်ချက်
BitsShop သည် ဝယ်သူနှင့် ဆိုင်ကြား ရောင်းဝယ်မှုကို ချိတ်ဆက်ပေးသူ ဖြစ်သည်။ ပစ္စည်း အရည်အသွေး၊ ပို့ဆောင်မှုနှင့် ဆိုင်သို့ တိုက်ရိုက် ပေးချေသော ငွေအတွက် ဆိုင်တွင် တာဝန်ရှိသည်။ ဝန်ဆောင်မှု ပြတ်တောက်ခြင်း မဖြစ်စေရန် ကြိုးစားသော်လည်း အမြဲ အဆင်ပြေမည်ဟု အာမ မခံနိုင်ပါ။
၁၁ပြင်ဆင်ခြင်းနှင့် ဆက်သွယ်ရန်
ဤစည်းကမ်းများကို ပြင်ဆင်နိုင်ပြီး ပြင်ဆင်ရက်ကို ဤစာမျက်နှာ ထိပ်တွင် ဖော်ပြပါမည်။ အရေးကြီးသော ပြောင်းလဲမှုကို website / App တွင် အသိပေးပါမည်။ မေးစရာရှိပါက Messenger၊ Support Chat (သို့) info@bitstech.store သို့ ဆက်သွယ်ပါ။
English summary
- BitsShop (bitstech.store + Android app) is a marketplace: shops list, sell, ship and receive the money. BitsTech Store is BitsShop's own shop and follows the same rules.
- Buyers pay the shop directly (the shop's own KBZPay / WavePay / bank account shown on the order) or cash on delivery. BitsShop never receives or holds buyers' money.
- Shops: 6 months free from approval, then 30,000 Ks a month (prepay allowed), paid by contacting the admin. No commission. Prohibited items include counterfeit goods and cracked software / keys.
- Problems: contact the shop first; if unresolved, report the shop and use Support chat. BitsShop can warn, hide or suspend shops, but cannot refund money it never held.